بۆ زیاتر مانەوەی شەحنی مۆبایلەکەت ئەم ڕێکارانە جێبەجێ بکە

ئەو کەسانەی مۆبایلە زیرەکەکان بەکار دەھێنن، بەردەوام کێشەی زوو ھاتنە خوارەوەی شەحنی مۆبایلەکانیان ھەیە، بۆیە ئەو کەسانە پێویستە ئەو ڕێکارانە بزانن، کە وا دەکات، شەحنی مۆبایلەکانیان بە درەنگی دابەزێت.

بۆ زیاتر مانەوەی شەحنی مۆبایلەکەت، ئەم ڕێکارانە لەبەرچاو بگرە و جێبەجێیان بکە، ئەوانیش بریتین لە:

1 - ھەموو کاتێک شەحنی مۆبایلەکەت بە ڕێژەی 100% پڕ مەکە، چونکە ئەمە زیان بە پاتری مۆبایلەکەت دەگەیەنێت.

2 - کاتێک مۆبایلەکەت شەحنی بۆ 10% دابەزی، ئینجا مۆبایلەکەت شەحن بکەرەوە.

3 - لە کاتی شەحنکردنەوە، ئەگەر مۆبایلەکەت زۆر گەرم بوو، وایەرەکە لێ بکەرەوە و مۆبایلەکەت لەم کاتە شەحن مەکەرەوە.

4 - ھەوڵ بدە لایتی شاشەکەت کەم بکەیتەوە.

5 - لە شەواندا وای فای (WIFI) مۆبایلەکەت بکوژێنەرەوە.

باسنیوز